(M)
1) टाढै बाट मुहार लुकाइ लजाएर आउदा,
खाली सिउदो मेरो समीप सजाएर आउदा ।
कस्तो होला त्यो दिन तिमिले सोचेकी छेउ सानू,
पन्चे बाजा आगनिमा बजाएर आउदा ।
(F)
2) मेरो निम्ति अमुल्य त्यो घडी आउदा खेरी,
सिर देखि पाउ सम्मै जरि आउदा खेरी ।
कर्के नजर नहेरी त के छोड्थेर कसम,
दिलको राजा घोडा माथी चडी आउदा खेरी ।
(M)
3) लजाएर मन्द मन्द हास्दा तिमिले,
अंगालोलाई अंगालो ले गाँस्दा तिमिले ।
मेरा नजर तिमी संग ठक्कर खाने बेला,
जब यो दिल संग त्यो दिल टाँस्दा तिमिले ।
(F)
4) म पनि त त्यै भोलिको प्रखाइमा छु,
घोम्टो फाली चोलिको प्रखाइमा छु ।
तारा बाजि खेल्ने पनि आमा बनी सके रे,
बसाइ सर्ने डोलिको प्रखाइमा छु ।
(M)
5) तिम्रो नाम संगै मेरो थर पाए पछि,
साच्ची एउटा पिपलुले वर पाए पछि ।
छोडिने छ जन्म घर तोडिनेछ खुल्दुली नि ,
मैले तिम्रो तिमिले मेरो भर पाए पछि ।
(F)
6) स्वर्ग जस्तै सुन्दर एउटा घर पाए जान्छु,
मेरो मनले चाहेको थर पाए जान्छु ।
सधैं भरी संगै हुन्छ वर पिपललाई हेर,
म पनि त तेस्तै एउटा वर पाए जान्छु ।
(M)
7) झुपडि छ त्यसमै स्वर्ग बनाउनु पर्छ सीता,
थरको कुरा छोरिदेउ मन पराउनु पर्छ सिता ।
पक्कै पनि निश्चित हुन्छ वर पिपलको माया गराइ,
वर पिपल जस्तै जोडि जमाउनु पर्छ सिता ।
(F)
8) दिलको राजा तिमिलाइ नै मान्छु म कसम,
देउराली मा गै संगै खान्छु म कसम ।
मात्र एउटा काम तिमिले मेरो मन जित्नु,
त्यस पछि त नाइ नभनी जान्छु म कसम ।
